عمل نموذج سيرة ذ...

عمل نموذج سيرة ذاتية بأسهل الطرق CV
4sah 8 يونيو، 2017

عمل نموذج سيرة ذاتية بأسهل الطرق CV

عمل نموذج سيرة ذاتية بأسهل الطرق CV

عمل نموذج سيرة ذاتية بأسهل الطرق CV

لو إنت من الناس المش بتعرف تكتب الـCVV, أو لسه ماعندكش خبرة كبيرة فالـPost ده مكتوب مخصوص ليك
ناس كتير فاكرة ان الـ CV هو هو الـ Resumee مع إن فيه فرق و اختلاف شاسع ما بينهم.!!
إيه الفرق بينهم بقى ?!
اولاَ :- الـCVV دة حاجة عامة عنك فيها كل اللي الانجازات اللي انت عملتها في حياتك و كل مهاراتك و بتقدمه في المنح سواء الداخلية او الخارجية اوالتدريبات أو في اي حاجة عامة لما يطلبوا منك سي في مش في حالة انك مقدم في وظيفة معينة,
أما الـ Resumee فهي فيها كل حاجة عنك تتعلق بوظيفة معينة انت مقدم فيها فقط و بالتالي مفيهاش كل مهاراتك ولا كل منحك ولا كورساتك ولا كل انجازاتك.

ثانياَ :- الـ CV لازم يكون فيه مصدر للمراجع بتاعتك أما الـ Resume غالبا مبيكونش فيه
الـ Resumee لازم تكتب فيها المجال اللي انت متخصص فيه و لازم تكتب فيها Summary يفيد الـ HR اللي هيشوف الResume بتاعتك انت بتفيد الشركة بإيه و ايه اللي انت بتعمله و اللي انت عايز تكتسبه من الشركة, أما الـ CV زي ما قولنا فبيكون حاجة عامة بتكتب فيه كل خبراتك مش مجال معين انت متخصص فيه.

تالت حاجة :- الـ CV لازم يكون على الأقل صفحتين و يكون فيه كل الكورسات اللي انت خدتها و الأعمال التطوعية اللي اشتغلت فيها و الخبرات اللي اكتسبتها في أي شغل و كمان بتحط فيه هواياتك,

لكن في الـ Resume اوعا تحط هواياتك مهما كانت و يكون بالكتير صفحتين و مبتحطش فيه غير الكورسات و المهارات و الخبرات اللي بتتعلق بالوظيفة.
– طب طريقة كتابة الـ CV عموما ازاي ؟!
في الاول بتكتب بياناتك الشخصية اللي ليها علاقة بالكونتاكت بتاعك

أولا:- اسمك بيكون بخط كبير مش كبيير اوي مش هتخليها مثلا 24

ثانيا :- عنوانك و بلاش تكتبه تفصيلي اكتب بس المنطقة والمدينة والمحافظة ومتكتبش الدولة الا لو بتقدم على وظيفة برة او منحة خارجية لأن الغرض من العنوان ان الـHR يعرف بس انت مكانك فين هتكون قريب للشركة ولا لأ لكن مش عايز يعرف عنوان بيتك فين تحديدا … مش هيناسبك

ثالثا :- رقم تليفونك و ممكن تعمل سلاش و تكتب رقم تاني لو معاك رقمين بس بيكونوا متاحين على طول.

رابعا :- الـEmail ولازم ولا بد يكون حاجة بروفيشنال يعني يكون فيه اسمك و اسم العائلة فقط مفيهوش أي اسم دلع زي ايميل LinkedIn بالظبط.

خامسا :- ياريت يكون عندك LinkedIn و تحطه تحت الميل بالظبط, و ياريت تكون مظبطه و كاتب فيه كل بياناتك مظبوطة و تكون شخصية اجتماعية عليه و يكون اللينك بتاعه اللي هتحطه مبسط مش معقد.
الـCV مش قرآن عشان كدة بيختلف عليه كل HRR ومش كله بيتفق على حاجة واحدة
.
الـHR في شركات Multinationall بيقولوا انك مينفعش تكتب تعليمك أول حاجة لأن الـHR وهو بيقرا الـCv عايز يشوف حاجة تخليه يكمله للآخر, حاجة تخليه يحس انك مميزعن الناس اللي كاتبين انهم خريجين كذا بتقدير كذا لأن فيه الف غيرك كاتبين كدة.
ناس تانية كبيرة بردو قالوا ان عادي انك تكتب تعليمك اول حاجة لأنك بتعرفه انت خريج ايه معاك شهادة ايه من ايه.
ونصيحة مننا بقى خليكوا في الرأي التاني
نيجي بقى للـResume..
لو انت مقدم على وظيفة زي ما قلنا وبتكتب Resumee فبالتالي لازم تكتب الوظيفة اللي انت متخصص فيها اول حاجة بخط كبير وتحتها سطرين فيهم ايه اللي انت هتقدمه للشركة في المجال ال أنت جاي تشتغل فيه.
اما لو بتكتب CVV عام مش لازم تكتب كل دة عادي بس يفضل تكتب summary تكتب فيها سطرين عن ايه اللي انت انجزته سريعا كدة و ايه اللي انت بتقدمه و ايه اللي انت عايز تكتسبه من الشركة او الهدف اللي انت عايز توصله زي ما قولنا فوق
بعد كدة في الـResumee اكتب تعليمك ولازم تكتب السنة اللي دخلت فيها الجامعة و اللي أتخرجت فيها.
– لو انت لسا طالب هتعمل – Noww بعد التاريخ و تكتب الكلية و الجامعة و ممكن تكتب القسم قبل الجامعة او في سطر لوحدها عادي و تكتب تقدير آخر سنة و بعد كدة تكتب التقدير العام و دة في حالة ان التقديرين يكونوا اعلى من مقبول.
#ملاحيظ_مهمة
– لو فيه تقدير اقل من جيد اوعا تكتبه طبعا,
– لو معاك ماجستير أو دكتوراة لازم تكتبه طبعا.
بعد كدة هتكتب خبراتك في سوق العمل الاول و يا ريت عنوانها يكون Work Experience مش Experience بس لأن الـ Experience دي خبراتك العامة سواء في التطوع او العمل اما Work Experience فدي خبراتك في سوق العمل بس.
هتكتب كل شغل أنت اشتغلته متعلق بالوظيفة اللي انت مقدم فيها, ولو انت مشتغلتش حاجة متعلقة بيها ممكن تكتب اي شغل اشتغلته, وهتكتبه كله من الاحدث للاقدم بتواريخ تبين فترة استمرارك في الشغل كانت قد إيه, وتحت الشغل دة إكتب المهام اللي كانت بتطلب منك في الشغل دة.
بعد ما تكتب شغلك اكتب اعمالك التطوعية لأنها من أهم الحاجات اللي ممكن يشوفها الاتش ار في الـCV بتاعك, وياريت تكتب اللي يتعلق بالوظيفة اللي انت مقدم فيها بس, إلا اذا مكانش فيه اعمال تتعلق بالوظيفة ممكن تكتب الاعمال التطوعية بتاعتك بس بردو من الاحدث للاقدم بتواريخ تبين فترة استمرارك في العمل التطوعي.
لو هتكتب اسم نشاط او مؤسسة تطوعت فيها يا ريت توضح هي ايه المؤسسة دي و بتعمل ايه و تكتب مهامك داخل المؤسسة او النشاط دة.
بعد كدة لو خدت منح يا ريت تكتبها في عنوان لوحدها و تقول كل منحة من الاحدث للاقدم بتواريخها و تكتب الجهة المانحة و البرامج اللي انت خدتها في المنحة دي,
بعد كدة لو خدت كورسات في حاجات تيكنيكال في مجالك او الحاجة اللي تخص الوظيفة اللي انت مقدملها هي دي بس اللي تكتبها اي حاجة تانية مالهاش لازمة بينله ان انت شاطر فيها خلال الـInterview زي الانجليزي او انك بتعرف تعملها لما تيجي تكتب المهارات بتاعتك و دي لسا هنتكلم عنها ^^.
طبعا لو انت بتكتب Resume مش هتكتب انك درست حاجة self-study انما لو بتكتب CV لازم تكتب الحاجات اللي انت عرفتها لوحدك و دي ليها تأثير كبير على الاتش ار و في المنح و التدريبات و غيرهم.
بعد كدة تكتب مهاراتك و دي ببتنقسم لمهارتين لا ثالث لهما
مهارات الكمبيوتر:- و دي هتكتب فيها انت بتعرف تشتغل على ايه في الكمبيوتر و مستواك في ايه ” office – technical support – وأي حاجة إضافية “.
مهارات اللغة :- و دي هتكتب فيها اللغة الام بتاعتك الاول ” العربي يعني
” و تكتب انها اللغة الام بتاعتك و بعد كده تكتب اللغات التانية الـ أنت عارفها بداية من الانجليزي و بعدين اي لغة انت قوي فيها بعد الانجليزي على طول فالاضعف فالاضعف و هكذا.
لو بتكتب Resume اكتب مستواك العام في الانجليزي
اما لو بتكتب CVV فالانجليزي هنا بينقسم لاربع مهارات و هم القراءة و الكتابة و الكلام و السمع لازم تكتب مستواك في كل واحدة فيهم دة ايه
في حالة انك بتكتب CVV هتكتب بعد كدة هواياتك و اهتماماتك بشرط انها تكون هوايات تيكنيكال يعني متكتبش انك بتحب تلعب كورة بس لو بتحب القراء او الكتابة او اي حاجة مفيدة اكتبها بشرط يكون ليك عليها مواقف يعني اعمل حسابك انك ممكن تتسئل فيهم في الانتر فيو زي مثلا انه يقولك ايه اخر كتاب قريته.
بعد كدة هتكتب معلومات شخصية عنك هتكتب فيها تاريخ ميلادك و حالتك الاجتماعية و موقفك من الخدمة العسكرية بالنسبة للولاد و لو مقدم على حاجة برة مصر يا ريت تكتب الجنسية بتاعتك.
في حالة انك بتكتب CVV بردو هتكتب بعد كدة المراجع, إما انك تكتب انها موجودة عند الطلب او تكتب اسم شخصية تعرفك كويس و عارفة المهارات اللي عندك زي مديرك السابق في العمل او العمل التطوعي و هكذا و تكتب اسمه و رقمه.
أخطاء شائعة و ملحوظات … ركز جامد جدا
– في التواريخ لازم تكتب الشهور بأساميها مش بأرقامها بس بالاختصار بتاعها
– اوعا تكتب Career objectivee لأن دة بيبينله انت عايز ايه مش هو عايزك ليه و دة مش هيفيده في حاجة و بالتالي مش هيكمل قراءة السي في بتاعك
– يا ريت ميبقاش فيها أي غلطات تنسيقية ولا املائية في السي في خالص يكون الحرف الاول دايما كابيتال و اول حرف من كل اسم من اسمك كابيتال و تكون كاتبه بروفيشنال
– متحطش في السي في صورتك خالص الا في حالة انه يطلبها منك و لو طلبها لازم تكون صورة رسمية بروفيشنال جدا تكون لابس فيها على الاقل سيمي فورمال و يكون فيها وشك بس و متكونش سيلفي تكون صورة زي اللي بتتصورها 4 x 6
– متحطش frame للسي في بتاعك خالص
– يا ريت متكبرش الفونت عن 14 و ميقلش عن 100 في السطور العادية و تستخدم خط Times New Roman عشان شكله فورمال اكتر
– خلي اسامي المؤسسات و الانشطة و الشركات و الكورسات و المنح و المهارت Bond.
– التواريخ كلها زي ما ذكرت لازم تكون من الأحدث للأقدم
– لو تقديرك مقبول اوعا تكتبه ابدا و متحاولش تظهر عيوب ليك في السي في بتاعك خالص
– اوعا ابدا تكتب Soft skillss متعلقة بيك في السي في خاااااالص دي حاجة هو هيكتشفها فيك في الانتر فيو و لو كتبتها 90 % مش هتكون صادق فيها و هو عارف و هيفصلهوملك واحدة واحدة يسألك على مواقف فيهم في الانتر فيو و مش هتعرف ترد و بالتالي هتترفض
خلاص الكلام الـ soft skills مبتتكتبش في السي في لأي سبب كان
– لما تيجي تبعت السي في لشركة ابعته بصيغة PDF
– لو خدت كورس انجلش أو ICDLL متكتبوش مالوش لازمة يكفي بس انك تعرفه انك بتعرف تعمل الحاجات دي من نفسك ف الانترفيو و في الـCV.
هتلاقي اشكال كتير للـ CV أو الـ Resumee على الموقع دةhttp://www.cvtips.com/ و دة كمان http://bit.ly/1m8AjsF
منشن لصاحبك العايز يكتب CV او المش عارف

Leave a Reply

لن يتم نشر عنوان بريدك الإلكتروني. الحقول الإلزامية مشار إليها بـ *